Աղասի Խանջյանը եղել է պետական գործիչ, ով ԽՍՀՄ կոմունիստական կուսակցության անդամ էր, կոմկուսի առաջին քարտուղարը։
Խանջյանի նախաձեռնությամբ Դիլիջանում կառուցվում է հայտնի ամառանոցը: Վայրի ընտրությունը նա կատարել է իր բժշկի խորհրդով, երբ պարզ է դառնում, որ հիվանդ է թոքախտով:
Ամառանոցի կառուցումը սկսվել է 1926 թվականին, որը տևել է շուրջ ութ տարի՝ ավարտվելով 1936 թվականին: Խանջյանը մշտապես հետևել է ամառանոցի կառուցմանը:
Որոշ տվյալներով այն նախկինում եղել է ռուսական կայսերական բանակի մի զորագնդի զինվորների գերեզմանատունը:
Ամառանոցի հետ կապված կա նաև այլ վարկած, ըստ որի՝ ամառանոցի հսկա կլոր շենքը ամբողջությամբ չի պատկանել Խանջյանին:
Այն երեք հարկանի կլոր շինություն էր, ունեցել է պատկերազարդ առաստաղ և պատեր, սյունազարդ, նախշազարդ սանդուղքներ, ներքին հարդարանքը եղել է փայտից: Ամառանոցն ունեցել է սպասարկման սենյակներ, խոհանոցներ, մեծ ջրավազան:
Այստեղ են նկարահանվել Բագրատ Հովհաննիսյանի «Ադամամութ» ֆիլմի մի քանի կարևոր դրվագներ:
Ամառանոցի հարևանությամբ է գտնվում Դիլիջանի հայտնի «Անտառի քանդակը», որի հեղինակն է Արա Սարգսյանը: Քանդակը սոճու ծառի վրա թագով գլուխ է, «թևերը» լայն բացած:
Ցավոք սրտի, Հայրենական մեծ պատերազմի տարիներին շենքը վերածվել է անասնագոմի: Հետագայում կոմունիստական կուսակցության երկրորդ քարտուղար Պողոսովի նախաձեռնությամբ այն վերականգնվում է: 1980-ականներից հայտնվել է լքյալ վիճակում, 2013 թ.-ին այն մասամբ փլուզվել է:
Ամառանոցն այժմ անմխիթար վիճակում է և համարվում է Հայաստանի լքված վայրերից:
Կառույցն ունի պատմական և ճարտարապետական արժեք, որի վերանորոգումը պետք է լինի առաջնային խնդիր:
Գտնվում է Երևան տանող ճանապարհից մի քանի տասնյակ մետրի վրա, Մ. Գորկու փողոցի 15ա հասցեում:
*Տեքստը պատկանում է Կուպոն.հայ-ին: Հոդվածն ամբողջական կամ մասնակի արտատպելիս` սույն էջին ակտիվ հղվելը պարտադիր է: