• Բոլոր Զեղչերը
  • Հանգիստ
    • Ծաղկաձոր
    • Դիլիջան
  • Ինչպե՞ս է աշխատում
  • Ինչպե՞ս գնել կտրոն
  • Ինչու՞ օգտվել հենց մեր զեղչերից
  • Իմ հարցերը
  • Դառնամ գործընկեր
  • BLOG
  • Անցած ակցիաները
  • Կապ
Զեղչի կուպոններ Հայաստանում
  • Բոլոր Զեղչերը
  • Ինչու՞ օգտվել հենց մեր զեղչերից
  • Ինչպե՞ս գնել կտրոն
  • BLOG
  < դեպի բլոգ
Հայտնիներ, ովքեր ապրել են Ծաղկաձորում

Հայտնիներ, ովքեր ապրել են Ծաղկաձորում

Ծաղկաձորը՝ ծաղիկների ձորը դրախտավայր է, որն ունի աննկարագրելի բնություն: Հայտնվելով այստեղ՝ դյութվում ես և անվերջ ցանկանում արարել գեղեցիկը, բարին։

 

Այստեղ իրենց կյանքի ինչ-որ փուլն են ապրել մեր մեծերից ոմանք։ Ծաղկաձորը գրական երեկոների կազմակերպման լավագույն վայրերից է եղել։ Այնտեղ մեր մեծերը հավաքվել են, ստեղծագործել, ինչպես նաև զբաղվել հասարակական և քաղաքական գործունեությամբ։

 

Ծաղկաձորում իջևանել են Եղիշե Չարենցը, Սիլվա Կապուտիկյանը, Հրանտ Մաթևոսյանը, Պարույր Սևակը, Լևոն Խեչոյանը, Անահիտ Սահինյանը, Աբգար Ափինյանը և այլոք։

 

Ծաղկաձորում է ապրել և ստեղծագործել կանացի հույսերի, հույզերի, սիրո և ցավերի պոետ Սիլվա Կապուտիկյանը։

Կապուտիկյանը հաճախ է փախչել քաղաքի եռուզեռից և թաքնվել Ծաղկաձորի գողտրիկ գրկում։ Այստեղ նա գրել է բազմաթիվ ստեղծագործություններ։

Կապուտիկյանի աջակցությամբ այստեղ են հանգրվանել Սումգայիթից և Բաքվից մազապուրծ եղած առաջին փախստականները, որի մասին Կապուտիկյանը հիշատակում է իր «Էջեր փակ գզրոցներից» գրքում։

Կապուտիկյանը գեղեցիկ բառախաղի միջոցով նոր բառ է ստեղծել, որով բնութագրել է Ծաղկաձորը՝ մանկաձոր՝ մանուկների ձոր։

 

 

Ծաղկաձորում իր կյանքի որոշ շրջափուլ է անցկացրել Պարույր Սևակը։ Այստեղ ծնվել են մի շարք գեղեցիկ ստեղծագործություններ։

Հետագայում Ծաղկաձորում հիմնվում է Պարույր Սևակի անվան մանկական ճամբարը, ինչպես նաև Պարույր Սևակի անվամբ աղբյուրը։ Այդ մասին գրել է Հովիկ Չարխչյանը՝

Ծաղկաձորում կա մի ճամբար

Անունով հին լեգենդի,

Ուր բխում է աղբյուր մի պաղ

Հավերժական կարոտի:

Դա աղբյուրն է բանաստեղծի,

Մանուկների ձեռքի գործ,

Դու կկարդաս` «Լույս եղիցի»,

Քարի վրա ոսկեբոց….

 

Ծաղկաձորի մշտական այցելուներից է եղել արձակագիր Հրանտ Մաթևոսյանը։ Նա գրական երեկոների հիմնական կազմակերպիչն է եղել։ Հրանտ Մաթևոսյանը ԽՍՀՄ փլուզումից հետո ասել է, որ մեծ երկիր է կորցրել և չի կարողանում ստեղծագործել: Այդ ճգնաժամի ընթացքում Մաթևոսյանի հանգրվանը միշտ եղել է Ծաղկաձորը։ Դադարեց գրական երեկոների կազմակերպումը, որի պատճառով գրողները հաճախ ասել են, որ առնական, տղամարդկային Ծաղկաձորը դարձել է քույր։

 

Ծաղկաձորում ստեղծագործել է Լևոն Խեչոյանը, ում մուսան եղել է հենց Ծաղկաձորի չքնաղ բնությունը, որի գրկում էլ Խեչոյանը գրել է իր վերջին գիրքը՝ «Մհերի դուռը»։ Ասում են, թե Խեչոյանը միաձուլվել էր Ծաղկաձորի բնությանը, դարձել այդ բնության մի մասնիկը։

 

Եթե ցանկանում եք զգալ հայ մեծերի շունչը մեկ վայրում, ապա այցելեք Ծաղկաձոր։

 

 

*Տեքստը պատկանում է Կուպոն.հայ-ին: Հոդվածն ամբողջական կամ մասնակի արտատպելիս` սույն էջին ակտիվ հղվելը պարտադիր է:

Uncategorised

Շաբաթը 1 անգամ ուղարկում ենք նոր հոդվածների մասին իրազեկում

  < դեպի բլոգ

Օգնություն

📞 +37493043049   11:00-19:00
Viber +37493043049   11:00-19:00
  • Ինչպե՞ս է աշխատում
  • Իմ հարցերը
  • Դառնամ գործընկեր
  • BLOG
  • Անցած ակցիաները
  • Կապ
Վճարման տարբերակներ

Օֆերտա

Գաղտնիության Քաղաքականություն